2021 ലെ മലയാളത്തിലെ ആദ്യ റിലീസ്; ജയസൂര്യയുടെ ‘വെള്ളം’

പത്ത് മാസത്തെ ഇടവേളക്ക് ശേഷം തിയറ്ററുകൾ വീണ്ടും സജീവമാകുമ്പോൾ മലയാളത്തിൽ നിന്ന് ആദ്യ റിലീസായി എത്തുന്നത് ‘വെള്ളം’ എന്ന ചിത്രമാണ്. ജയസൂര്യ കേന്ദ്ര കഥാപാത്രത്തെ അവതരിപ്പിക്കുന്ന ചിത്രം സംവിധാനം ചെയ്യുന്നത് ജി.പ്രജേഷ് സെൻ ആണ്. ഈ മാസം 22 നാണു ചിത്രം തീയറ്ററുകളിൽ എത്തുക.

ക്യാപ്റ്റൻ നു ശേഷം പ്രജേഷ് സെന്നും ജയസൂര്യയും ഒന്നിക്കുന്ന ചിത്രം കൂടിയാണ് “വെള്ളം “. ലോക്കഡൗണിനു മുൻപേ പൂർത്തിയായ ചിത്രം ഏപ്രിൽ റിലീസിനായി ചാർട്ട് ചെയ്തിരിക്കുകയായിരുന്നു. പിന്നീട് ലോക്ക്ഡൌൺ മൂലം മാറ്റിവെക്കുകയായിരുന്നു.