അന്തരിച്ച പ്രശസ്ത സംവിധായകനും ഛായാഗ്രാഹകനുമായ കെ.വി ആനന്ദിന് അനുശോചനം അറിയിച്ച് മലയാള സിനിമ ലോകം. തന്റെ കരിയറില് സുപ്രധാന പങ്കുവഹിച്ച വ്യക്തിയാണ് ആനന്ദ് എന്നാണ് പൃഥ്വിരാജ് ഫേസ്ബുക്കിൽ കുറിച്ചത്.
![](https://cinemapranthan.com/wp-content/uploads/2021/04/prithvi-1011x1024.jpg)
‘മുന്നില് നിന്നും പോയി എന്നേയുള്ളൂ, മനസ്സില് എന്നുമുണ്ടാകും എന്നാണ് മോഹൻലാൽ കുറിച്ചത്. കെ.വി. ആനന്ദ് സംവിധാനം ചെയ്ത അവസാന ചിത്രം കാപ്പാനില് സൂര്യക്കൊപ്പം മോഹൻലാൽ ഒരു പ്രധാന കഥാപാത്രത്തെ അവതരിപ്പിച്ചിരുന്നു .
![](https://cinemapranthan.com/wp-content/uploads/2021/04/mohanlal-659x1024.jpg)
‘പറയാൻ വാക്കുകൾ കിട്ടുന്നില്ല. ഹൃദയഭേദകം എന്നുതന്നെ പറയാം. ഓരോ വർക്കുകളിലും മാജിക് സൃഷ്ടിച്ച വലിയ സംവിധായകനും ഛായാഗ്രാഹകനുമാണ് അദ്ദേഹം. കാതൽ ദേശം എന്ന ചിത്രത്തിലൂടെ ആ ഫ്രെയ്മിൽ ഉൾപ്പെടാൻ എനിക്കും ഭാഗ്യം ലഭിച്ചു. സുവർണസ്മരണകൾ എന്നും നിലനില്ക്കും. സിനിമാലോകത്തിന് ഇത് തീരാനഷ്ടം.’– നടൻ വിനീത് കുറിച്ചു
![](https://cinemapranthan.com/wp-content/uploads/2021/04/priyadharshan-1-902x1024.jpg)
ഇവരെ കൂടാതെ പ്രിയദർശൻ, നിവിൻ പോളി, ടൊവീനോ, മഞ്ജു വാരിയർ തുടങ്ങി നിരവധി താരങ്ങൾ കെ.വി. ആനന്ദിന് ആദരാഞ്ജലികൾ അർപ്പിച്ചിരുന്നു.
![](https://cinemapranthan.com/wp-content/uploads/2021/04/manju-995x1024.jpg)
ഹൃദയസ്തംഭനം മൂലം വെള്ളിയാഴ്ച രാവിലെയാണ് കെ.വി. ആനന്ദ് മരണപ്പെട്ടത്. 54 വയസ്സായിരുന്നു. 1994ൽ മോഹൻലാൽ നായകനായ തേന്മാവിൻ കൊമ്പത്ത് എന്ന ചിത്രത്തിലൂടെ മികച്ച ഛായാഗ്രാഹകനുള്ള ദേശിയ അവാർഡ് സ്വന്തമാക്കിയിട്ടുണ്ട്.
![](https://cinemapranthan.com/wp-content/uploads/2021/04/nivin-631x1024.jpg)
![](https://cinemapranthan.com/wp-content/uploads/2021/04/tovino-653x1024.jpg)