cp-webdeskക്ലീൻ യു സർട്ടിഫിക്കറ്റുമായി തിയേറ്ററുകളിലെത്താൻ ഒരുങ്ങുന്നത് നവാഗത സംവിധായകൻ മനു സ്വരാജിന്റെ ഫാന്റസി ക്യാമ്പസ് എന്റർടെയിനർ പടക്കളം.
മൂവായിരത്തോളം കുട്ടികൾ പഠിക്കുന്ന ഒരു അതിവിശാലമായ ക്യാമ്പസിന്റെ പശ്ചാത്തലത്തിൽ ഒരു പൂർണ്ണ ഫാൻ്റസി ഹ്യൂമർ കഥയാണ് ‘പടക്കളം’ അവതരിപ്പിക്കുന്നത്. സമീപകാല മലയാള സിനിമയിൽ ഏറ്റവും വലിയ ബജറ്റിൽ ഒരുക്കുന്ന ക്യാമ്പസ് ചിത്രമെന്നു അണിയറക്കാർ അവകാശപ്പെടുന്നു.
വിജയ് ബാബുവും വിജയ് സുബ്രമണ്യവും ചേർന്നാണ് ഈ ചിത്രം നിർമ്മിച്ചിരിക്കുന്നത്. യുവജനങ്ങളുടെയും അവരുടെ വികാരങ്ങളുടെയും കഥകളെ ആഴത്തിൽ കൈവെക്കുന്ന ഒരു ക്ലീൻ എന്റർടെയിനറായാണ് ചിത്രം രൂപം കൊണ്ടത്.
പ്രമുഖ താരനിരയും സോഷ്യൽ മീഡിയയിൽ പ്രചാരമുള്ള മുഖങ്ങളുമാണ് കേന്ദ്ര കഥാപാത്രങ്ങൾ:
- ഫാലിമി ഫെയിം സന്ധീപ് പ്രദീപ്
- വാഴ ഫെയിം സാഫ്
- അരുൺ അജികുമാർ
- യൂട്യൂബർ അരുൺ പ്രദീപ്
- നിരഞ്ജന അനൂപ്
ഇവർക്കൊപ്പം സുരാജ് വെഞ്ഞാറമൂടും ഷറഫുദ്ദീനും പ്രധാന വേഷങ്ങളിൽ എത്തുന്നു. ഇഷാൻ ഷൗക്കത്ത്, പൂജ മോഹൻരാജ് എന്നിവരും നിരവധി പുതുമുഖങ്ങളും സിനിമയുടെ ഭാഗമാകുന്നു.
സാങ്കേതിക സംഘത്തിൽ:
- തിരക്കഥ: നിതിൻ സി ബാബുവും മനു സ്വരാജും
- സംഗീതം: രാജേഷ് മുരുകേശൻ (പ്രേമം ഫെയിം)
- ഛായാഗ്രഹണം: അനു മൂത്തേടത്ത്
- എഡിറ്റിംഗ്: നിതിൻരാജ് ആരോൾ
- പ്രൊഡക്ഷൻ ഡിസൈൻ: ഷാജി നടുവിൽ
- കലാസംവിധാനം: മഹേഷ് മോഹൻ
ചിത്രം മെയ് 8ന് തിയേറ്ററുകളിൽ എത്തും.
