cp-webdeskമലയാള സിനിമയിലെ എക്കാലത്തെയും പ്രിയ നടി ഉർവശി പങ്കുവെച്ച ഒരു പഴയ ലൊക്കേഷൻ അനുഭവം ഇപ്പോൾ സോഷ്യൽ മീഡിയയിൽ ചിരി പടർത്തുകയാണ്. നടൻ രതീഷ് ഒരു സിനിമയുടെ സെറ്റിൽ നിന്ന് തന്ത്രപരമായി ‘മുങ്ങിയ’ രസകരമായ കഥയാണിത്
അക്കാലത്ത് മലയാള സിനിമയിൽ ഏറ്റവും തിരക്കുള്ള നായകന്മാരിൽ ഒരാളായിരുന്നു രതീഷ്. ഒരേസമയം ഒന്നിലധികം സിനിമകൾ കമ്മിറ്റ് ചെയ്തിരുന്നതിനാൽ ഷെഡ്യൂളുകൾക്കിടയിൽ നിന്ന് എങ്ങനെയെങ്കിലും ഒന്ന് ഒഴിവായിക്കിട്ടാൻ അദ്ദേഹം തക്കം പാർത്തിരിക്കുകയായിരുന്നു. സംവിധായകൻ സാജന്റെ ഒരു സിനിമയുടെ സെറ്റിൽ വെച്ചാണ് ഈ സംഭവം നടക്കുന്നത്. ഉർവശിക്ക് കഴിക്കാൻ നൽകിയ ദോശ ഉണങ്ങിപ്പോയത് കണ്ട രതീഷ്, അത് സെറ്റിൽ നിന്ന് മുങ്ങാനുള്ള ഒരു ആയുധമാക്കി മാറ്റി.
“മോളെ, ഈ ഉണങ്ങിയ ദോശ നീ കഴിക്കണ്ട, ഞാൻ പോയി നല്ല ചൂട് ദോശ വാങ്ങി വരാം” എന്ന് പറഞ്ഞ് ഉർവശിയെ സമാധാനിപ്പിച്ച് അദ്ദേഹം വണ്ടിയെടുത്തു. എന്നാൽ തൊട്ടടുത്ത തട്ടുകടയിൽ കയറുന്നതിന് പകരം രതീഷിന്റെ കാർ മലയിറങ്ങിപ്പോകുന്നത് കണ്ടപ്പോഴാണ് താൻ പറ്റിക്കപ്പെട്ടതാണെന്ന് സംവിധായകനും ഉർവശിക്കും മനസ്സിലായത്. ദോശ വാങ്ങാൻ പോയ നായകൻ പിന്നെ മടങ്ങിവരാത്തതോടെ ആ സിനിമയുടെ ഷൂട്ടിംഗ് അവിടെ വെച്ച് പൂർണ്ണമായും മുടങ്ങിപ്പോയി.
