cp-webdeskനടനും സംവിധായകനുമായ സലിം കുമാറിനെ ദേഹാസ്വാസ്ഥ്യത്തെ തുടർന്ന് കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചു. നിലവിൽ തീവ്രപരിചരണ വിഭാഗത്തിൽ (വെന്റിലേറ്റർ) നിരീക്ഷണത്തിലാണ് അദ്ദേഹം. കഴിഞ്ഞ കുറച്ചു വർഷങ്ങളായി കരൾരോഗബാധയെ തുടർന്ന് ചികിത്സയിലായിരുന്ന സലിം കുമാർ, നേരത്തെ കരൾ മാറ്റിവെക്കൽ ശസ്ത്രക്രിയയ്ക്കും വിധേയനായിരുന്നു. എന്നാൽ നിലവിലെ അടിയന്തര സാഹചര്യത്തിനുള്ള കൃത്യമായ കാരണം വ്യക്തമായിട്ടില്ല.
കഴിഞ്ഞ നിയമസഭാ തിരഞ്ഞെടുപ്പ് കാലത്ത് പൊതുപരിപാടികളിലും കോൺഗ്രസിന്റെ തിരഞ്ഞെടുപ്പ് പ്രചാരണങ്ങളിലും അദ്ദേഹം സജീവമായി പങ്കgroupsെടുത്തിരുന്നു. പ്രതിപക്ഷ നേതാവ് വി.ഡി. സതീശന്റെ വിജയത്തിന് ശേഷം പറവൂരിൽ സംഘടിപ്പിച്ച സ്വീകരണ യോഗത്തിലും അദ്ദേഹം പങ്കെടുത്തിരുന്നു. ശാരീരികമായ അസ്വസ്ഥതകളും നടക്കാനും നിൽക്കാനുമുള്ള ബുദ്ധിമുട്ടുകളും ഉണ്ടായിരുന്നിട്ടും പൊതുവേദികളിൽ അദ്ദേഹം സജീവ സാന്നിധ്യമായിരുന്നു. അദ്ദേഹത്തിന്റെ ആരോഗ്യനിലയെക്കുറിച്ചുള്ള കൂടുതൽ വിവരങ്ങൾക്കായി കാത്തിരിക്കുകയാണ് സിനിമാലോകവും ആരാധകരും.
