cp-webdeskലിജോ ജോസ് പെല്ലിശ്ശേരി അവതരിപ്പിക്കുന്ന ‘പല്ലൊട്ടി 90’s കിഡ്സ്’ സിനിമയെ ഏറ്റെടുത്ത് കേരളത്തിലെ ക്ലബുകളും സാംസ്‌കാരിക സംഘടനകളും.
തീയേറ്ററുകളില്‍ നിറഞ്ഞ സദസ്സില്‍ പ്രദർശനം തുടർന്ന് കൊണ്ടിക്കരിക്കുന്ന ചിത്രം ബൾക്ക് ബുക്കിങ്ങിലൂടെ കൂടുതൽ പ്രേക്ഷകർക്ക് കാണാൻ അവസരമൊരുക്കിയിരിക്കുകയാണ് ‘കാരുമാത്ര യുവതരംഗം കലാവേദി’
കാരുമാത്ര യുപി സ്കൂളിലെകുട്ടികളും അധ്യാപകരും രക്ഷിതാക്കളും ഉൾപ്പെടെ 120 പേർക്ക് പല്ലൊട്ടിയുടെ ടിക്കറ്റ് സ്പോൺസർ ചെയ്തുകൊണ്ടാണ് ‘കാരുമാത്ര യുവതരംഗം കലാവേദി’ ക്ലബ് മാതൃകയായത്. ഇരിങ്ങാലക്കുട ചെമ്പകശ്ശേരി തിയറ്ററിൽ വച്ചായിരുന്നു ചിത്രത്തിന്റെ പ്രദർശനം.
കേരള സംസ്ഥാന ചലച്ചിത്ര പുരസ്കാരങ്ങളില്‍ മികച്ച കുട്ടികളുടെ ചിത്രം, മികച്ച ബാലതാരം, മികച്ച പിന്നണി ഗായകന്‍ എന്നിങ്ങനെ മൂന്ന് പുരസ്കാരങ്ങളും ബാംഗ്ലൂര്‍ ഇന്‍റെര്‍നാഷണല്‍ ഫിലിം ഫെസ്റ്റിവലില്‍ മികച്ച ഇന്ത്യന്‍ സിനിമ വിഭാഗത്തിലേക്ക് തിരഞ്ഞെടുക്കുകയും ചെയ്ത ‘പല്ലൊട്ടി 90’s കിഡ്സ്’ എന്ന ചിത്രം തീയേറ്ററുകളില്‍ നിറഞ്ഞ സദസ്സില്‍ മൂന്നാം വാരത്തിലേക്ക് കടന്നിരിക്കുകയാണ്.
സിനിമാ പ്രാന്തൻ പ്രൊഡക്ഷൻസിന്റെ ബാനറിൽ നടനും സംവിധായകനുമായ സാജിദ് യഹിയ, നിതിൻ രാധാകൃഷ്ണൻ എന്നിവർ നിർമ്മിച്ച് നവാഗതനായ ജിതിൻ രാജ് സംവിധാനം ചെയ്യ്ത ചിത്രമാണ് പല്ലൊട്ടി. മാസ്റ്റർ ഡാവിഞ്ചി സന്തോഷ്, മാസ്റ്റർ നീരജ് കൃഷ്‌ണ എന്നിവർക്കു പുറമെ മലയാളത്തിന്റെ പ്രിയതാരങ്ങളായ അർജുൻ അശോകൻ, ബാലു വർഗീസ്, സൈജു കുറുപ്പ്, നിരഞ്ജന അനൂപ് സുധി കോപ്പ,ദിനേഷ് പ്രഭാകർ, വിനീത് തട്ടിൽ,അബു വളയംകുളം എന്നിവരും ശ്രദ്ധേയ വേഷങ്ങളിൽ എത്തുന്നു
