cp-webdeskപ്രണയിക്കാൻ എളുപ്പമാണോ ?… ദാമ്പത്യജീവിതമോ ? അത് അത്ര ലളിതമല്ലെന്ന് പലരും പറയാറുണ്ടല്ലോ ! പക്ഷേ, ബ്രസീലിൽ ഒരു ദമ്പതികൾ അങ്ങനെയൊന്നുമല്ല കരുതുന്നത്! 105 വയസ്സായ മാനുവൽ ആഞ്ചിലിം ഡിനോയിയും 101 വയസ്സായ മരിയ ഡിസൂസ ഡിനോയിയും ചേർന്ന് 84 വർഷം കാത്തുസൂക്ഷിച്ച ഒരു പ്രണയമാണ് ഇതിന് സാക്ഷ്യം! ഏറ്റവും കൂടുതൽ വർഷം ദാമ്പത്യജീവിതം നയിച്ച ദമ്പതികളായി ഗിന്നസ് റെക്കോർഡിൽ ഇടം നേടിയിരിക്കുകയാണ് ഇവർ!
ഇക്കഴിഞ്ഞ വാലന്റൈൻസ് ദിനത്തിൽ ഇവരുടെ ദാമ്പത്യജീവിതം 84 വർഷവും 77 ദിവസവും പിന്നിട്ടു.1919ൽ ജനിച്ച മാനുവലും 1923ൽ ജനിച്ച മരിയയും ആദ്യമായി കണ്ടുമുട്ടിയത് 1936ലാണ്. ബ്രസീലിലെ ബോവ വിയാജെം ജില്ലയിലേക്കുള്ള ഒരു യാത്രയ്ക്കിടയിലാണ് മാനുവലിന് മരിയയെ കാണാൻ അവസരം ലഭിച്ചത്. പക്ഷേ, നാല് വർഷത്തോളം അവർ തമ്മിൽ കാണാനോ സംസാരിക്കാനോ കഴിഞ്ഞില്ല.
അവസാനം, നാളുകള്ക്കുശേഷം വീണ്ടും കണ്ടുമുട്ടിയപ്പോൾ, പ്രണയം പുതുമുഖമണിഞ്ഞു. എന്നാൽ, മരിയയുടെ അമ്മയ്ക്ക് മാനുവലിനോട് സംശയമുണ്ടായി. മകൾക്കായി എന്തെങ്കിലും ചെയ്യാമോ? എന്ന ചോദ്യത്തിന് മറുപടിയായി, മാനുവൽ സ്വന്തം കൈകൊണ്ട് മരിയക്കായി ഒരു വീട് പണിതു! ആ ഒരു നീക്കമാണ് ഇവരുടെ ജീവിതം ഒരുമിപ്പിച്ചത്.
ഇരുകുടുംബങ്ങളും ബന്ധത്തിന് സമ്മതം നല്‍കിയതോടെ, 1940ൽ ബ്രസീലിലെ ബോവ വെഞ്ചുറയിലെ ഒരു പള്ളിയിൽ അവർ വിവാഹിതരായി!”13 കുട്ടികൾ, 55 പേരക്കുട്ടികൾ, 60 കൊച്ചുമക്കളും 14 കൊച്ചുമക്കളുടെ മക്കളും! ഇന്ന്, ഇവരുടെ കുടുംബം ഒരു വലിയ വൃക്ഷംപോലെയാണ്!
100 വയസിന് മുകളിലുള്ള ഇവർ ഇന്ന് എന്താണ് ചെയ്യുന്നത്? ദിനംപ്രതി ഒരുമിച്ച് സമയം ചെലവഴിക്കുന്നു, റേഡിയോയിൽ ജപമാല കേൾക്കുന്നു, ടെലിവിഷനിൽ കുർബാന കാണുന്നു. തങ്ങളുടെ ദാമ്പത്യജീവിതത്തിന്റെ രഹസ്യം? പ്രണയം… ഇന്നും മനസ്സിൽ!പ്രണയിച്ചുകൊണ്ട് ജീവിക്കുക… ഇതാണ് അവരുടെ ജീവിതം!
